Distribuçom alternativa, banca de livros nas festas de Sam Pedro

Julho 1, 2008

Continuando com a dinámica de distribuiçom alternativa que rege o trabalho de difusom de materiais de Estaleiro, umha nutrida representaçom de membros da editora uniu-se à maré de produtoras e distribuidoras alternativas que anegou a compostelana Rua de Sam Pedro durante as festas do bairro, festas das mais populares da capital da Galiza.

Este último factor acabou por ser determinante para que a jornada de vendas acabasse com sucesso no económico (necessário para a continuaçom do trabalho editorial) mas também no humano, quer dizer, no estabelecimento de contactos e na publicitaçom do projecto.

Como começa a ser habitual, Estaleiro ofereceu a hipótese de comprar os seus livros a 6 € mas também, em colaboraçom com os colegas do Cineclube Compostela (que também participárom do atendimento da banca), um pack de 10 € formado por umha camisola do cineclube com a legenda “A propiedade intelectual é un roubo” e um livro de Estaleiro Editora.

Deixamos aqui algumha outra fotografia para lembrar umha jornada de livros, camisolas, conversas e até “abraços de graça”.

Os comentários estão fechados.

%d bloggers like this: